Ikasturte honetan gure eskolan 6. mailako bederatzi ikasle ditugu liskarretan bitarteko: Ibai Lopez, Oskia Elkarte, Garazi Galan, Aimar Martinez de la Hidalga, Nahia Matxin, Irati Armendariz, Iraia Jimenez, Iker Fernandez eta Ibai Iriarte.
Ikasturtero zenbait irakaslek eta 5. mailako zenbait ikaslek bitartekoen prestakuntza-saioetan esku hartzen dute. Beren eginbidea ikasleen artean suerta daitezken liskarrei konponbidea bilatzea da, lehendik liskarrean partaide direnek laguntza eskatu dutela. Bitartekoak aldeak ados jartzera ahaleginduko dira helburu garbiarekin: bi aldeek onuradun atera behar dute.
Hau gertatze aldera “adostokia” izeneko espazioa eskura dute eskolako bilera-gelan. Bitarteko taldekideek akta batean islatu behar dute bileran gertaturikoa, gatazkaren nondik norakoa idatziz, nolako konpotzera iritsi diren eta bi alderdiek harturiko eginbideak.
Gainera, harrera-egitasmoa aintzat hartua, ikasle eskolaratu berriei erakutsi behar dizkiete ikastetxeko bazter guztiak, hauek laketze aldera.
Geletan “adostokia” egon, badago. Bertan aurkako alderdiek gatazka konpontzen saitu behar dute bai entzunez bai hitz eginez, “belarria” izan ala “ahoa” izan formularen arabera, elkarrizketa gatazka-konponbiderako baliabidea bihurtuz. Kasu honetan bitartekotza irakasleen esku dago.
