ZER DIRA?
Talde elkarreragileak ikasgelaren antolamendu inklusibo bat da, eta ikasleen arteko elkarrizketa eta elkarrekintza bultzatzen duten praktika hauetan, ikas komunitateko boluntarioek gela barnean parte hartzen dute.
Taldekatze horren bidez, ikasleek elkarri laguntzen diote eta elkarrekin ikasten dute; irakasle eta boluntarioen rola, berriz, ikaskuntza-prozesuan laguntzean eta elkarrizketa dialogikoa bultzatzean datza.
NORK PARTE HARTZEN DU?
Talde interaktiboetan hainbat eragilek hartzen dute parte:
- Ikasleak
- Irakasleak
- Hezkuntza-komunitateko boluntarioek: gurasoek, bizilagunek, familiako kideek, praktikako ikasleek, unibertsitateko boluntarioek eta abar.
ZER EGIN DEZAKET PARTE HARTZEKO?
Eskolan boluntarioak behar ditugu! Animatu zaitez!
Zer behar da gurera etortzeko?
- Umeekin aritzea gustukoa izatea.
- Astean bi saio jarraian eskolan parte hartzeko prest egotea.
- Animatuko zara? Eskolako familia bazara tutorearekin kontaktuan jar zaitezke. Bestela gurekin kontaktuan jartzeko idatzi ipzizur@educacion.navarra.es helbidera.
PROZEDURA
Talde interaktiboak aurrera eramateko, honakoa kontuan hartzen da:
- Ikasgelako ikasle-kopurua.
- Jarduerak egiteko dagoen denbora.
- Talde heterogeneoak izatea.
Jarduera bakoitzak 15 edo 20 minutu irauten du, eta bi saiotan egiten da. Jardueren kopurua ikasle-taldeen kopuruaren araberakoa izango da, hau da, 5 ikasle-talde badaude 5 jarduera egin beharko dira, talde guztiak txandakatu eta jarduera guztiak egin ahal izateko.
ONURAK
- Elkarrekintza eta elkarrizketa diagogikoa sustatzen dira.
- Hauen bidez errendimendu akademikoa hobetzen da.
- Ikaskuntza instrumentalean hobekuntzak ematen dira.
- Ikasleen gizarteratzea bultzatzen du.
- Balioak garatzen ditu, hala nola elkartasuna, errespetua, eskuzabaltasuna…
- Komunitateko erreferente anitzak ekartzen ditugu gelara.
- Ahozkotasunean onura nabariak izaten dira elkarrizketa sustatzearen ondorioz.
