Aurreko ostiralean, apirilak 1, neguko eguraldiari aurre eginez Erreniegako Korrika Txikia ospatu genuen. Hotz egiten zuen, baina horrek ez zuen eragotzi gure hizkuntza maitearen alde korrika egitea.
Hementxe duzue Korrika Txikiaren laburpentxo bat.
GORA ERRENIEGAKO KORRIKA!!!
Aurreko ikasturtean Pirritx, Porrotx eta MariMototsek Erreniegako aterpean Zizurren antolatutako ikuskizuna eman zuten, eta bere esker ona adierazteko gereziondo bat oparitu ziguten, otsailaren 9an ikastetxeko berdegunean ikasleek eta irakasleek Zizurko lorazainek lagunduta landatu genuena.
Gereziondoak mezu misteriotsu bat ekarri du: “ZERBAITETARAKO ETORRI NAIZ”. Zertarako ote? Aurreratu ahal dugu, gure ikastetxearen xedean toki garrantzitsua duen emozioen lanketarekin zer ikusia izango duela. Laster jakingo duzue.
Martxoaren bukaeran orburua ezagutu dugu ikasleekin. Lehen Hezkuntzako 2. mailako ikasleek egindako lanen argazki bilduma txiki bat erakusten dizuegu.
Horrela ospatu genuen Olentzeroren etorrera gure ikastetxera. Gaurkoan zuen etxeetan ospatzea tokatzen zaizue eta espero dugu maite dituzuen horiekin elkartu ahal izatea.
