Zizurko Kultur Etxeko erakusketa eta liburu baten ildotik, Erreniegan euskal “Hitz Kuttunak” aukeratzen ibili gara. “Hitz Kuttun” hauek 2022ko Euskaraldian murgildu dira eta Euskararen Egunaren bezperan guzti honi itxiera eman diogu hainbat jarduera ludikorekin. Egun honetan, Hitz Kuttun horiek presentzia izan dute eta euskararen bizi poza ospatu dugu.

Azaroaren 25a Emakumeen Kontrako Indarkeriaren aurkako Nazioarteko Eguna da. Aurten ere, Erreniegak eguna aprobetxatu nahi izan du, adinaren arabera gaia lantzeko baita guztiok batera ekitaldi xume bat egiteko ere. Ekitaldian denok bat egin zuten irudi bakar batean eta kantu batek bilduta. Momentu hori hausnarketa hauxe egiteko aprobetxatu zen:

“Hitz egokiak aukeratu elkar zaintzeko eta ez onartu hitz mingarririk zuri esatea, izan gaitezen ZORIONEKU!”.

Aurreko ostiralean, apirilak 1, neguko eguraldiari aurre eginez Erreniegako Korrika Txikia ospatu genuen. Hotz egiten zuen, baina horrek ez zuen eragotzi gure hizkuntza maitearen alde korrika egitea.

Hementxe duzue Korrika Txikiaren laburpentxo bat.

GORA ERRENIEGAKO KORRIKA!!!

Aurreko ikasturtean Pirritx, Porrotx eta MariMototsek Erreniegako aterpean Zizurren antolatutako ikuskizuna eman zuten, eta bere esker ona adierazteko gereziondo bat oparitu ziguten, otsailaren 9an ikastetxeko berdegunean ikasleek eta irakasleek Zizurko lorazainek lagunduta landatu genuena.

Gereziondoak mezu misteriotsu bat ekarri du: “ZERBAITETARAKO ETORRI NAIZ”. Zertarako ote? Aurreratu ahal dugu, gure ikastetxearen xedean toki garrantzitsua duen emozioen lanketarekin zer ikusia izango duela. Laster jakingo duzue.